ፔፕ ጓርዲዮላ ባለፈው ግንቦት 2026 ማንቸስተር ሲቲን በይፋ ከለቀቀ በኋላ በአሁኑ ሰዓት በትውልድ ከተማው ባርሴሎና (ካታሎኒያ) እንዲሁም በአቡ ዳቢ (የተባበሩት አረብ ኤሚሬቶች) በመዘዋወር የእረፍት ጊዜውን እያሳለፈ ይገኛል።
በሰኔ ወር መጀመሪያ ላይ ለ10 ዓመታት ከኖረባት እንግሊዝ በመልቀቅ ወደ ገዛ ቤቱ ባርሴሎና ተመልሷል። አሁን ላይ ከእግር ኳስ ውጥረት ወጥቶ ከቤተሰቦቹ ጋር ጊዜ ማሳለፍን መርጧል።
ከጥቂት ወራት በፊት በአቡ ዳቢ የግል መኖሪያ ቤት ማስገንባቱ የተዘገበ ሲሆን፣ በእረፍት ጊዜው ወደዚያ በመጓዝ ከተለመደው የስፖርት ሚዲያ ግርግር ርቆ አዲስ የአኗኗር ዘይቤን በአሁኑ ወቅት እየመራ ይገኛል።
ምንም እንኳ ጋርዲዮላ የአሰልጣኝነት ስራውን ቢያቆምም፣ አሁንም የሲቲ ፉትቦል ግሩፕ (City Football Group) ዓለም አቀፍ አምባሳደር በመሆን በቴክኒክ ምክር ዙሪያ ከክለቡ ጋር ያለውን ግንኙነት እንደቀጠለ ነው።፡
ጋርዲዮላ ከእግር ኳስ ሜዳ ርቆ እስከ መጪው የውድድር ዘመን አጋማሽ ድረስ ረጅም እረፍት (Sabbatical) ለመውሰድ ማቀዱን በይፋ ተናግሯል።
የጣሊያን እግር ኳስ ፌዴሬሽን የገንዘብ አቅም ማነስና የፔፕ ጓርዲዮላ ከፍተኛ የደሞዝ ጥያቄ (በዓመት ወደ 20 ሚሊዮን ፓውንድ ገደማ) ፔፕ ጓርዲዮላ የእንግሊዝን ብሔራዊ ቡድን የመረከብ ዕድሉን እጅግ ከፍተኛ ያደርገዋል።
ይህ ሊሆን የሚችልባቸው ዋና ዋና ምክንያቶች የሚከተሉት ናቸው፦
1ኛ. የእንግሊዝ እግር ኳስ ማኅበር (FA) ጠንካራ የፋይናንስ አቅም
የጣሊያን ፌዴሬሽን (FIGC) በዕዳ እና በገንዘብ እጥረት ውስጥ የሚገኝ ሲሆን፣ የውጭ አሰልጣኝ ቀጥሮ ትልቅ ደመወዝ የመክፈል ታሪካዊ ልምዱም የለውም።
በአንጻሩ የእንግሊዙ FA በዓለም ላይ ካሉ ሀብታም የእግር ኳስ ማኅበራት አንዱ ነው። ለፋቢዮ ካፔሎና ለቶማስ ቱሀል ከፍተኛ ደሞዝ መክፈሉ እንደሚያሳየው፣ ለጓርዲዮላ የሚጠይቀውን የደሞዝ መጠን ያለ ምንም ችግር ማቅረብ ይችላል።
2ኛ. ቶማስ ቱሀል ላይ ያለው ከፍተኛ ጫና በርትቷል
ቱሀል በትላንትናው እለት የእንግሊዝ ቡድን ከዓለም ዋንጫው መሰናበቱን ተከትሎ ምንም እንኳን ማኅበሩ እስከ ዩሮ 2028 እንደሚቆይ ቢገልጽም፣ በደጋፊውና በሚዲያው ላይ የተፈጠረው ከፍተኛ ተቃውሞ ውሳኔውን ሊያስቀይረው ይችላል፤የእንግሊዝ እግር ኳስ ማኅበሩ (FA) በሕዝብ ጫና ምክንያት ቱሀልን ለማሰናበት ቢገደድ እንኳን፣ በአሁኑ ሰዓት ያለ ሥራ ባርሴሎና የሚገኘውን ጓርዲዮላን ለማምጣት ወዲያውኑ ሙሉ የፋይናንስ አቅሙን ይጠቀማል።
3ኛ. የእንግሊዝ ስብስብ ለጋርዲዮላ ምቹ መሆኑ
ጋርዲዮላ በማንቸስተር ሲቲ ስኬታማ ጊዜያትን ሲያሳልፍ አብዛኛዎቹን የእንግሊዝ ኮከቦች (እንደ ፊል ፎደን፣ ጆን ስቶንስ እና ካይል ዎከር) ራሱ ያሰለጠናቸው እና ጠባያቸውን የሚያውቅ በመሆኑ ከጣሊያን ይልቅ ለእንግሊዝ ቡድን ልዩ ፍቅር አለው። ስለሆነም፣ የጣሊያን የፋይናንስ ቀውስ ጓርዲዮላን ወደ ጣሊያን የመውሰድ ዕድሉን በጣም የሚያጠብበው ሲሆን፣ በአንጻሩ ለእንግሊዝ ብሔራዊ ቡድን ግን በሩን በሰፊው ይከፍትለታል።
