ዋሊያዎቹ ለ2026 የዓለም ዋንጫ ማጣሪያ የነበራቸውን ጨዋታዎች ካጠናቀቁ በኋላ፣ አሁን ሙሉ ትኩረታቸውን ወደ 2027 የአፍሪካ ዋንጫ (AFCON) ማጣሪያ ጨዋታዎች ዝግጅት አዙረዋል። የቡድኑን የማጥቃት መስመር ለማጠናከር አዳዲስ ወጣቶች ወደ ስብስብ እየገቡ ይገኛል።
የኢትዮጵያ እግር ኳስ ፌዴሬሽን በአሰልጣኝ ውበቱ አባተ እና በመሳይ ተፈሪ ምትክ የሚሆን አዲስ ዋና አሰልጣኝ አድርጎ ዮሐንስ ሳሕሌን ለ2 ዓመታት ውል መሾሙ አይዘነጋም ። አሰልጣኝ በለጠ ገብረኪዳን በምክትልነት፣ መሐመድ ጀማል ደግሞ በግብ ጠባቂዎች አሰልጣኝነት አብረው እየሰሩ ይገኛሉ።
ዋሊያዎቹ በ2027 ለሚካሄደው የአፍሪካ ዋንጫ ቅድመ ማጣሪያ ጨዋታ ከሳኦቶሜ እና ፕሪንሲፔ ጋር ደርሶ መልስ ተጫውተው 4 ለ 0 በሆነ ሰፊ የድምር ውጤት (ከሜዳ ውጭ 3-0፣ በሜዳቸው 1-0) በማሸነፍ ወደ ምድብ ማጣሪያው በብቃት ማለፋቸው ይታወሳል።
ከዚህ ድል በኋላ ዋሊያዎቹ ከነበሩበት የ147ኛ ደረጃ ላይ በ3 ደረጃዎች አሽቆልቁለው ወደ 144ኛ ደረጃ ላይ በመቀመጥ ከ9 ወራት በኋላ ለመጀመሪያ ጊዜ መሻሻል አሳይተዋል።
ብሔራዊ ቡድኑ በቅርቡ በድሬዳዋ ስታዲየም ከማላዊ ብሔራዊ ቡድን ጋር ሁለት የወዳጅነት ጨዋታዎችን ያደረገ ሲሆን፣ የመጀመሪያውን 1 ለ 0 ሲያሸንፍ ሁለተኛውን ጨዋታ 1 ለ 1 በሆነ አቻ ውጤት አጠናቋል።
