በተለያዩ አገራት በተካሄዱ ውድድሮች ኢትዮጵያውያን አትሌቶች ድል ተቀዳጁ

በጀርመንና በአየርላንድ በተካሄዱ የማራቶን ውድድሮች ኢትዮጵያውያን አትሌቶች በወንዶችና በሴቶች ምድብ ድል በመቀዳጀት አስደናቂ ውጤት አስመዝግበዋል።

በጀርመን ፍራንክፈርት በተካሄደው የ2026 ፍራንክፈርት ማራቶን በወንዶች ምድብ አትሌት ጂራታ ሌሊሳ 2:05:26 በሆነ ሰዓት የግል ምርጥ ስዓቱን በማስመዝገብ የውድድሩን ድል ተቀዳጅቷል። አትሌት አቤ ጋሻሁን ደግሞ 2:07:19 በሆነ ሰዓት በማጠናቀቅ 6ኛ ደረጃን ይዟል

በሴቶች ምድብ አትሌት ዘይነባ ይመር 2:19:45 በሆነ ሰዓት በአንደኝነት በማጠናቀቅ ድል አስመዝግባለች።
በዚሁ ውድድር በሴቶች ምድብ የተሳተፉት ሌሎች ኢትዮጵያውያን አትሌቶችም ጥሩ ውጤት አስመዝግበዋል።

አትሌት በሪሃ ገ/ዮሐንስ 2:22:46 በሆነ ሰዓት 3ኛ፣ አትሌት አሰለፍ አማረ 2:25:31 በሆነ ሰዓት 4ኛ፣ አትሌት ስራነሽ ይርጋ 2:26:05 በሆነ ሰዓት 5ኛ፣ አትሌት ምህረት ገመዳ 2:26:49 በሆነ ሰዓት 6ኛ፣ አትሌት ብርቄ በየነ ደግሞ 2:31:00 በሆነ ሰዓት 9ኛ ደረጃን ይዘዋል።
በሌላ ዜና በአየርላንድ በተካሄደው የደብሊን ማራቶንም ኢትዮጵያውያን አትሌቶች በሁለቱም ፆታ አሸናፊ ሆነዋል።