የአርሴናል ወቅታዊ ወሬዎች

ክሪስቶስ ዞሊስን  በእጁ አስገባ

አርሰናል ከክለብ ብሩጅ ግሪካዊውን አጥቂ ክሪስቶስ ዞሊስ (Christos Tzolis) ጋር በ$34 ሚሊዮን (40 ሚሊዮን ዩሮ) ስምምነት ላይ ደርሷል። ለቤኪክታሽ የተሸጠውን ትሮሳርድን ለመተካት ነው።  ከዚህ ሌላ ሞርጋን ሮጀርስን ለማስፈረም ጥረቱን ቀጥሏል። በሌላ በኩል ዊሊያም ሳሊባ በዓለም ዋንጫው ወቅት የጀርባ ጉዳት አጋጥሞት ከሜዳ መራቁ ይታወሳል በዚህ ዙሪያ ይህ ጽሑፍ ያውጠነጥናል።

አርሰናል የቀድሞውን ተጫዋች ሊያንድሮ ትሮሳርድን ለመተካት ከክለብ ብሩጅ የ24 አመቱን የግሪክ አጥቂ ክሪስቶስ ዞሊስን በ£34 ሚሊዮን ሊያስፈርም ተስማምቷል። ተጫዋቹ 52 ጨዋታዎችን በማድረግ 22 ጎሎችን አስቆጥሮ 29 ለጎል የሚሆኑ ኳሶችን አቀብሏል።

ቤልጂየማዊው  የአርሴናል የክንፍ አጥቂ ሊያንድሮ ትሮሳርድ የአርሰናልን ክለብ በመልቀቅ በ£15.3 ሚሊዮን ወደ  ቤሽኪታሽ መዘዋወሩ አይዘነጋም ።

ሊያንድሮ ትሮሳርድ ወደ ቱርኩ ክለብ ቤሺክታሽ የሚያደርገውን ዝውውር ሙሉ በሙሉ አጠናቋል። አርሰናል ከዚህ ዝውውር ቅድመ ክፍያ £15.3 ሚሊዮን የሚያገኝ ሲሆን፣ ከተለያዩ ተጨማሪ ማበረታቻዎች (add-ons) ጋር በአጠቃላይ £17 ሚሊዮን ያገኛል።

አርሰናል ከዞሊስ በተጨማሪ የሞርጋን ሮጀርስን ዝውውር ለማጠናቀቅ ከፍተኛ ፍላጎት እያሳየ ነው።

የአርሰናል ከክለብ ብሩጅ ጋር በ£34 ሚሊዮን ስምምነት ላይ ከደረሰ በኋላ የ24 ዓመቱ ግሪካዊ አጥቂ ክሪስቶስ ዞሊስ በአሁኑ ሰዓት የህክምና ምርመራውን ለማድረግ ተዘጋጅቷል። ይህ ዝውውር  ዋጋ  በቤልጂየም ፕሮ ሊግ ከፍተኛው የሽያጭ ሪከርድ ሆኗል።

አርሰናል የግራ መስመር  የማጥቃት መስመሩን ይበልጥ ለማጠናከር የሞርጋን ሮጀርስን ተወካዮች በቅርብ እያነጋገረ ሲሆን፣ ድርድሩ በጣም ከፍተኛ ደረጃ ላይ ደርሷል። ሚኬል አርቴታ የተጫዋቹ ትልቅ አድናቂ በመሆኑ ዝውውሩን ለማጠናቀቅ ከፍተኛ ግፊት እያደረገ እንደሚገኝ ታውቋል።

  አርሰናል አጥቂ ክፍሉን በከፍተኛ ደረጃ ለማሻሻል የአትሌቲኮ ማድሪዱን ኮከብ ጁሊያን አልቫሬዝን እንደ ቀዳሚ ኢላማው አድርጎ እየተንቀሳቀሰ አሁንም ይገኛል።

አትሌቲኮ ማድሪድ ለአልቫሬዝ ከ €100 ሚሊዮን በላይ የሚፈልግ በመሆኑ፣ አርሰናል ዋጋውን ለመቀነስ ቪክቶር ጂዮኬሬስን (Viktor Gyökeres) በዝውውሩ ውስጥ አካቶ ለማቅረብ እያሰበ እንደሆነ ተዘግቧል።

በሌላ በኩል ሳሊባ ባለፉት ወራት የከፋ የጀርባ ህመምን በኃይለኛ ማስታገሻዎች እና ልዩ የልምምድ ፕሮግራሞች እየተቆጣጠረው እንደነበር ተገልጿል። ከጨዋታዎች ማግስት በሚደረጉ የማገገሚያ ልምምዶች ላይም አይሳተፍም ነበር።

በግንቦት ወር በተደረገው የቻምፒዮንስ ሊግ ፍፃሜ ጨዋታ ላይ ጉዳቱ የጀመረው ገና በ5ኛው ደቂቃ ላይ ቢሆንም ጨዋታውን እስከ ተጨማሪ ሰዓት አጠናቋል። አሁን ላይ ጉዳቱ ስላገረሸበት ክለቡ የህክምና ምርመራ ውጤቱን በከፍተኛ ስጋት እየጠበቀ ይገኛል።

 አትሌቲኮ ማድሪድ ለጁሊያን አልቫሬዝ ከ €100 ሚሊዮን በላይ የሚፈልግ በመሆኑ፣ አርሰናል ይህንን ከፍተኛ የዝውውር ዋጋ ለመቀነስ ቪክቶር ጂዮኬሬስን (Viktor Gyökeres) በዝውውሩ ውስጥ አካቶ ለአትሌቲኮ ማድሪድ ለማቅረብ በቁም ነገር እያሰበበት ይገኛል።

አትሌቲኮ ማድሪድ የአልቫሬዝን ሽያጭ ሙሉ በሙሉ ባይቃወምም፣ ተጫዋቹን በቀላሉ ለመልቀቅ አይፈልግም። አርሰናል ዮኬሬሽን ማካተቱ አትሌቲኮዎች በምትክ አጥቂ ፍለጋ እንዳይቸገሩ ስለሚያደርግ ድርድሩን ሊያቀላጥፈው እንደሚችል ታምኖበታል።

ሚኬል አርቴታ ከፊት መስመሩ በተጨማሪ የመካከለኛ ሜዳውን ጥራት ለመጨመር ከአንድ ታዋቂ ስፓኝ የመሃል ሜዳ ተጫዋች ተወካዮች ጋር ንግግር መጀመሩ ተዘግቧል።

የ26 ዓመቱ አርጀንቲናዊ አጥቂ ጁሊያን አልቫሬዝ ወደ ባርሴሎና የመዘዋወር ትልቅ ህልም ቢኖረውም፣ አትሌቲኮ ማድሪድ ተጫዋቹን ለስፔን ላሊጋ ተቀናቃኞቹ መሸጥ አይፈልግም። ይህንን ተከትሎ አትሌቲኮዎች ተጫዋቹን ለባርሴሎና ከመስጠት ይልቅ ለፕሪሚየር ሊጉ ሻምፒዮን አርሰናል ለመሸጥ የበለጠ ፈቃደኛ መሆናቸው ለአርሰናል ትልቅ ዕድል ፈጥሯል።

ቪክቶር ጂዮኬሬስን በልውውጥ ማካተቱ ጥሩ አማራጭ ቢሆንም፣ የዚህ አይነቱ “የተያያዙ ግን ራሳቸውን የቻሉ” (separate but linked) የዝውውር ድርድሮች በተግባር ለመፈጸም እጅግ አስቸጋሪና ውስብስብ መሆናቸው ተገልጿል።

ከዊሊያም ሳሊባ የጀርባ ጉዳት መባባስ ጋር ተያይዞ፣ አርሰናል በአስቸኳይ አዲስ መካከለኛ ተከላካይ (Center-back) ለማስፈረም ገበያ ላይ መውጣቱ ተሰምቷል።

የዊሊያም ሳሊባ የጀርባ ጉዳት ከፍተኛ ሆኖ የጀርባ ቀዶ ጥገና ሊያስፈልገው እንደሚችል እና እስከ አምስት ወር ከሜዳ ሊርቅ እንደሚችል በመሰማቱ፣ አርሰናል የቀድሞ ተከላካዩን ዲኖስ ማቭሮፓኖስን ከዌስትሃም በ£25 ሚሊዮን መልሶ ለማስፈረም በዝርዝሩ ውስጥ አካቷል። ለተጫዋቹ ቦሩሲያ ዶርትሙንድ እና ሊድስ ዩናይትድም ፍላጎት አሳይተዋል።
ከማቭሮፓኖስ በተጨማሪ አርሰናል የአስቶን ቪላውን ተከላካይ ኤዝሪ ኮንሳን (Konsa) እንደ አማራጭ በቅርብ እየተከታተለ ይገኛል።

በሌላ በኩል  አርሰናል ብራዚላዊውን አማካይ ብሩኖ ጊማሬሽን በ£50 ሚሊዮን የቅናሽ ዋጋ ሊያስፈርም ነው ተብሎ የተሰራጨው መረጃ “ፍጹም ውሸት” (utter nonsense) መሆኑን የቀድሞው የኒውካስል ባለስልጣን መህርዳድ ጎዶውሲ በይፋ አስተባብለዋል ።