Ethiopia Football News
የፊፋ የኤሊት የጨዋታ አመራሮች ስልጠና በዛሬው ዕለት መካሄድ ጀምሯል።
በስልጠናው መክፈቻ ላይ የተገኙት የኢትዮጵያ እግር ኳስ ፌዴሬሽን ብሔራዊ የዳኞች ኮሚቴ ሰብሳቢ አቶ ሸዋንግዛው ተባባል ባደረጉት ንግግር “የአካል ብቃት ምዘናውን በስኬት አልፋችሁ እዚህ በመገናኘታችን ደስ ብሎኛል። ሁለቱን ኢንስትራክተሮች በማግኘታችን በእውነት እድለኞች ነን፤ እናንተ ከፊፋ ከፍተኛ አሰልጣኞች መካከል ግንባር ቀደም ናችሁ። ስለዚህ ዳኞች ከዚህ ኮርስ እስከ ጥግ እንዲጠቀሙበት እመክራለሁ፤ ማድረግ የምትችሉትን ያህል ከፍተኛ ጥረት አድርጉ። ጥሩ እና አዝናኝ አምስት ቀናት ይኖረናል ብዬ አስባለሁ፤ መልካሙን ሁሉ እመኝላችኋለሁ” ብለዋል።
የኢትዮጵያ ከ20 ዓመት በታች ብሔራዊ ቡድን ለሴካፋ ማጣሪያ ቅድመ ዝግጅት ጀምረ
በታንዛንያ አስተናጋጅነት በሚካሄደው ከ20 ዓመት በታች የአፍሪካ ዋንጫ የሴካፋ ማጣሪያ ውድድር የሚሳተፈው የኢትዮጵያ ከ20 ዓመት በታች ብሔራዊ ቡድን ለውድድሩ ቅድመ ዝግጅት ጥሪ የተደረገላቸው 40 ተጫዋቾችን በመያዝ በዛሬው ዕለት ናሽናል ካምፒንግ ጀመራ’ሯል።
የአፍሪካ ዋንጫ የማዘጋጀት ሰነድ ማዘገባትና የመጀመሪያ የማጣሪያ ጨዋታ
ኢትዮጵያ የ2028ቱን የአፍሪካ ዋንጫ ለማስተናገድ ጥያቄዋን ያቀረበችበት ሰነድ (Bid Document) ለአፍሪካ እግር ኳስ ኮንፌዴሬሽን (ካፍ) አስገባች
የኢትዮጵያ እግር ኳስ ፌዴሬሽን ከኢፌዴሪ መንግሥት ጋር በጋራ አስፈላጊ ዶክመንቶችን ያካተተ ሰነድ (BID HAND BOOK) ለካፍ በማስገባት ይህንን ታላቅ አህጉራዊ የእግር ኳስ ድግስ ለአራተኛ ጊዜ በስኬት ለማስተናገድና በአፍሪካ እግር ኳስ ያላትን ጉልህ ታሪክ ዳግም ለማደስ ዝግጁነቷን አረጋግጣለች።
አቶ ኢሳያስ ጅራ የኢትዮጵያ እግር ኳስ ፌዴሬሽን ፕሬዝዳንታዊ ተወዳዳሪነት የቀረቡ ብቸኛ ዕጩ መሆናቸው ተገለጸ
የኢትዮጵያ እግር ኳስ ፌዴሬሽን የምርጫ አስፈፃሚ ኮሚቴ ሐምሌ 22 ቀን 2018 ዓ.ም ለፌዴሬሽኑ የጠቅላላ ጉባኤ አባላት በላከው ደብዳቤ መስከረም 5 ቀን 2019 ዓ.ም ለሚደረገው የኢትዮጵያ እግር ኳስ ፌዴሬሽን ፕሬዝዳንታዊ እና በፕሬዝዳንቱ አቅራቢነት የሚመረጡ የሥራ አስፈፃሚ ኮሚቴ አባላት ከነተጠባባቂያቸው በፌዴሬሽኑ መተዳደሪያ ደንብ መሰረት እስከ ነሐሴ 4 ቀን 2018 ዓ.ም ድረስ ለፌዴሬሽኑ ጽ/ቤት እንዲልኩ ማሳወቁ ይታወሳል፡፡
የኢትዮጵያ የፕሪምየር ሊግ የዝውውር እንቅስቃሴዎች
የአዳማ ከተማ እና የኢትዮጵያ መድን (በተለምዶ ኢንሹራንስ) የዝውውር እንቅስቃሴዎች ለአዲሱ የውድድር ዘመን ክለቦቹን ጠንካራ ተፎካካሪ ለማድረግ ያለሙ ትልልቅ እርምጃዎች እየሰሩ ነው።
ስለ እነዚህ ክለቦች ዝውውሮች እና ስለ ክለቦቹ አዲስ መዋቅር ፡
የኢትዮጵያ ብሔራዊ ቡድን ከሴኔጋል ብሔራዊ ቡድን ጋር በባህር ዳር ስታዲየም ማክሰኞ መስከረም 19 ያደርጋል
ካፍ የኢትዮጵያ ብሔራዊ ቡድን የአፍሪካ ዋንጫ ማጣርያ የሜዳው ጨዋታውን በባህር ዳር ስታዲየም እንዲያከናውን ጊዜያዊ ፈቃድ መሰጠቱ ይታወሳል።
በዚህም መሰረት በ2027 የአፍሪካ ዋንጫ የምድብ 10 ሁለተኛ የምድብ ጨዋታውን ከሴኔጋል ብሔራዊ ቡድን ጋር በባህር ዳር ስታዲየም ማክሰኞ መስከረም 19/2019 ከቀኑ 10፡00 ላይ የሚያከናውን ይሆናል።
የኢትዮጵያ ንግድ ባንክ የሴቶች እግር ኳስ ቡድን ለአህጉራዊው የካፍ ሴቶች ሻምፒዮንስ ሊግ ዝግጅት እያደረገ ነው
የኢትዮጵያ ንግድ ባንክ የሴቶች እግር ኳስ ቡድን ለአህጉራዊው የካፍ ሴቶች ሻምፒዮንስ ሊግ (CAF Women’s Champions League) የሴካፋ ዞን ማጣሪያ ውድድር የመጨረሻ ዝግጅቱን እያደረገ ይገኛል። በሩዋንዳ ኪጋሊ አስተናጋጅነት ከነሐሴ 16 ቀን 2018 ዓ.ም. ጀምሮ በሚካሄደው የሴካፋ (CECAFA) ማጣሪያ ውድድር ላይ ንግድ ባንክ ጠንካራ ምድብ ውስጥ የተደለደለ ሲሆን፣ ዝግጅቱን ያወካው ዋነኛው ፈተና የአንዳንድ ቁልፍ ተጫዋቾች በጉዳት መያዝ ነው።
የባህር ዳር ስታዲየም ለአፍሪካ ዋንጫ ማጣርያ ጨዋታ ጊዜያዊ ፈቃድ አገኘ
የባህር ዳር ዓለም አቀፍ ስታዲየም የካፍ (CAF) እና የፊፋ (FIFA) ዝቅተኛ መስፈርቶችን ባለማሟላቱ ተጥሎበት የነበረው ዓለም አቀፍ እገዳ በይፋ ተነስቶለታል። ስታዲየሙ ዓለም አቀፍ የብሔራዊ ቡድን እና የክለቦች ጨዋታዎችን እንዲያስተናግድ በካፍ በኩል ሙሉ እውቅና እና ፍቃድ አግኝቷል።
የአፍሪካ እግር ኳስ ኮንፌዴሬሽን (ካፍ) በቅርቡ በባህር ዳር ስታዲየም ላይ ያደረገውን ፍተሻ እና ግምገማ ተከተሎ ብሄራዊ ቡድናችን በመስከረም ወር 2019 በሜዳው ለሚያደርገው ጨዋታ የሚያገለግል ጊዜያዊ የካቴጎሪ 3 (CAT 3) ፈቃድ መስጠቱን ዛሬ ለኢ/እ/ፌ በላከው ደብዳቤ አስታውቋል። ይህ ጊዜያዊ ፈቃድ የኢትዮጵያ ብሔራዊ ቡድን የሚጠብቀውን የ2027 የአፍሪካ ዋንጫ ማጣሪያ የሜዳው ጨዋታን በሀገሩ እንዲያደርግ ያስችለዋል።
ቅዱስ ጊዮርጊስ ከአንድ ትልቅ አለም አቀፍ ኩባንያ ጋር ስለሚያደርግእው የስፖንሰርሺፕ ስምምነትና ስለሚያደርገው የወዳጅነት ጨዋታ
የኢትዮጵያ እግር ኳስ ታላቁ ክለብ ቅዱስ ጊዮርጊስ (ፈረሰኞቹ) አዲስ አሰልጣኝ በመሾም እና ሰፊ የተጫዋቾች ስብስብ መልሶ ግንባታ (Squad Rebuild) በማድረግ ላይ ይገኛል። ክለቡ በፊፋ (FIFA) የዝውውር እገዳ ቢጣልበትም፣ ለቀጣዩ የ2019 ዓ.ም. (2026/27) የውድድር ዘመን እራሱን እያዘጋጀ ይገኛል።
አሰልጣኝ ዮሐንስ ሳሕሌ ለ39 ተጫዋቾች ጥሪ አደረጉ
የኢትዮጵያ ብሔራዊ ቡድን በመጪው መስከረም ወር ለሚያደርጋቸው የ2027 የአፍሪካ ዋንጫ ማጣርያ የምድብ 10 የመጀመርያ ሁለት ጨዋታዎች ዝግጅት አሰልጣኝ ዮሐንስ ሳሕሌ ለ39 ተጫዋቾች ጥሪ አድርገዋል። ጥሪ ከተደረገላቸው ተጫዋቾች መካከል ከ20 ዓመት በታች ናሽናል ካምፕ ላይ የሚገኙ 6 ተጫዋቾች ተካተዋል።
የኢትዮጵያ ክለቦች ሻምፒዮና የሴቶች ውድድር በኢትዮጵያ ቡና አሸናፊነት ፍፃሜውን አግኝቷል
ውድድሩ የኢትዮጵያ እግር ኳስ ፌዴሬሽን ፕሬዝዳንት፣ የካፍ ሥራ አስፈፃሚ ኮሚቴ እና የፊፋ ቋሚ ኮሚቴ አባል አቶ ኢሳያስ ጅራ ፣ የኢትዮጵያ እግር ኳስ ፌዴሬሽን የውድድር ዳይሬክተር አቶ ከበደ ወርቁ ፣ የኢትዮጵያ እግር ኳስ ፌዴሬሽን የከፍተኛ ሊግ ሰብሳቢ አቶ ሙራድ አብዲ ፣ የኢትዮጵያ እግር ኳስ ፌዴሬሽን የሥራ አስፈፃሚ ኮሚቴ አባል አቶ ሸረፋ ዴሌቾ እንዲሁም ጥሪ የተደረገላቸው እንግዶች በተገኙበት በድሬዳዋ ስታዲየም ፍፃሜ አግኝቷል።
በስዊድን ጎተንበርግ በተካሄደው ውድድር ላይ ተካፋይ ስለነበሩትና በዛው ስለቀሩ የእግር ኳስ ተጨዋቾች ጉዳይ ምን አዲስ ነገር አለ
በዓመታዊው የጎቲያ ካፕ ውድድር ላይ ለመካፈል በኢትዮጵያ ብሔራዊ ቡድን ስም ወደ ስዊድን አምርተው 7ለ0 ከተሸነፉ በኋላ ሀገራቸውን የከዱት ኳስ ተጨዋችች በፖሊስ ተያዙ።
የኢትዮጵያ እግር ኳስ ፌዴሬሽን የቡድኑ አባላት መጥፋት ያሳዘነው መሆኑን ገልጾ ታዳጊ ቡድኖች በመሰል ውድድሮች ላይ በራሳቸው ጥረት በሚያገኙት እድል ወደ ውድድሩ የሚያመሩ እንጂ የኢትዮጵያ ብሔራዊ ቡድንን የወከሉ አለመሆኑን መግለጹ ይታወሳል።
ሀላባ ከነማ የወሳኝ ተጨዋቾችን ውል እያራዘመ ነው
በትላንትናው ዕለት ወደ ተጫዋቾች ዝውውር ገበያ በስፋት በመግባት የአምስት አዳዲስ ፈራሚዎችን ዝውውር ማጠናቀቃቸውን ያበሰሩት በአሰልጣኝ በሽር አብደላ የሚመሩት «በርበሬዎቹ»፣ በዛሬው ዕለት ደግሞ የወሳኙን የመስመር አጥቂ የዮናታን ሐይሉን ውል ማራዘማቸውን ይፋ አድርገዋል።
በዝውውር መስኮቱ ከተለያዩ የሀገራችን ክለቦች ጋር ስሙ በተደጋጋሚ ሲያያዝ የቆየው የቀድሞው የደደቢት መስመር አጥቂ፤ በ2018 በከፍተኛ ሊጉ ወደ አዲሱ ምዕራፍ የኢትዮጵያ ፕሪምየር ሊግ ባሳደገው ምርጥ የሚባል ግዜ ባሳለፈው ክለቡ ሀላባ ከነማጋር ለመቀጠል በመስማማት አዲሱን ውሉን አራዝሟል።
የኢትዮጵያ እግርኳስ ፌዴሬሽንናየተጫዋቾቹ የ100 ዶላር ውዝግብ
ከአራት ወራት በፊት የአውሮፓ እግርኳስ ማህበር በፍሬንዲሽፕ ካፕ ብትሳተፉልን ብሎ ለኢትዮጵያ እግርኳስ ፌዴሬሽን ግብዣ ላከ፤ ፌዴሬሽኑም ጥሪውን ተቀበለ፤ የኢትዮጵያ ከ18 አመት በታች ሴቶች ብሄራዊ ቡድን 30 ልዑካንን ይዞ ወደ አዘጋጇ ሃገር ቱርኪዬ ሄደ፤ ቡድኑ ከኡራጋይ፣ ኮስታሪካና ኖርዌይ ጋር ተደለደለ፤ በመጀመሪያ ጨዋታው ኡራጋይን 3-0 አሸነፈ፤ በሁለተኛው ኮስታሪካን 1-0 ረታ፤ በሶስተኛው የምድብ ጨዋታ በኖርዌይ 1-0 ተሸነፈ፤ በመጨረሻም በአዘጋጇ ቱርኪዬ 3-1 ተሸንፎ ከስምንት ሃገራት አራተኛ ሆኖ አጠናቀቀ
ስዊዲን ላይ የጠፉት ተጨዋቾች የኢትዮጵያ እግር ኳስ ፌዴሬሽን እንዳላካቸው ገለጸ
በዓመታዊው የጎቲያ ካፕ ውድድር ላይ ለመካፈል ወደ ስዊድን ያመሩ ታዳጊዎች እና የቡድን አባላት በስዊድን መጥፋታቸውን አስመልክቶ የተለያዩ መረጃዎች እየወጡ ይገኛሉ።
በጉዳዩ ዙርያ ምላሽ ወይም ማብራርያ በተመለከተ የኢትዮጵያ እግር ኳስ ፌዴሬሽን ለቀረበለት ጥያቄ በሰጠው ምላሽ
ንግሥት በቀለ በፈረንሳዩ ክለብ ሜትዝ ሙከራ እያደረገች ትገኛለች
የኢትዮጵያ ሴቶች ብሔራዊ ቡድን አጥቂ የሆነችው ንግስት በቀለ በአውሮፓ የሙከራ ዕድል ተሰጧት በፈረንሳዩ የሴቶች ሁለተኛ ሊግ ክለብ ኤፍ ሲ ሜትዝ (FC Metz) የሙከራ ዕድል ተሰጥቷት ፈረንሣይ እንደምትገኝ ተገልጿል ።
ለተጫዋቿ የሙከራ ዕድል የሰጣት ክለብ ሜትዝ በአሁኑ ወቅት በ2ተኛው የሊግ እርከን በመሳተፍ ላይ የሚገኝ እና በ1974 የተመሰረተ ሲሆን ባለፈው የውድድር ዓመት 12ኛ ደረጃን በመያዝ አጠናቋል ፤ የሴቶች እግር ኳስ ከፍተኛ ትኩረት በሚሰጥበት ፈረንሳይ ውስጥ የሚገኝ አንጋፋ ክለብ ነው።
ፍፁም ጥላሁን ከቅዱስ ጊዮርጊስ ክለብ መውጫ በር ላይ ቆሟል
የኢትዮጵያ ብ/ቡድን እና የቅዱስ ጊዮርጊስ ድንቁ የፊት መስመር ተጫዋች የሆነው ፍፁም ጥላሁን ውሉ ማለቁን ተከትሎ ከቅዱስ ጊዮርጊስ ጋር እስከ አሁኗ ሰዓት ድረስ ንግግር ያላደረገ ሲሆን ምን አልባት ነገሩ በዝህ ከቀጠለ ከፈረሰኞቹ ጋር ሊለያይ ይችላል ተብሏል ።
የቀድሞ የኢትዮጵያ ብሄራዊ ቡድንና የቡና ተጨዋች የሆነው አንዳርጋቸው በፌስቡክ ላይ እንደገለጸው ፍፁም ጥላሁን የዘንድሮ አመት የፕሪሚየር ሊጉ ድንቅ ተጫዋች ከመሆን አልፎ በብ/ቡድን ከማላዊ ጋር በነበረው ጨዋታ አንድ ጎል በማግባት እና አንድ አሲስት በማድረግ ምርጥ ኳሊቲ እንዳለሁ ገልጿል ።
የታዳጊና የወጣት ብሔራዊ ቡድንን የሚወክሉትን ተጨዋቾች ፌዴሬሽኑ ሊመለምል ነው
ለአፍሪካ ዋንጫ ለሴካፋ ዞን የታዳጊዎች የማጣርያ ውድድር ብሔራዊ ቡድኑን የሚወክሉትን ተጨዋቾች ለመመልመል ሥራዎች እየተሰሩ መሆናቸውን የኢትዮጵያ እግር ኳስ ፌዴሬሽን ገለጸ ።
ፌዴሬሽኑ እንዳለው በቀጣይ ዓመት መጀመርያ ለሚካሄዱት ከ17 እና ከ20 ዓመት በታች የአፍሪካ ዋንጫ ሴካፋ ዞን የማጣርያ ውድድሮች ለሁለቱም የዕድሜ እርከን ብሔራዊ ቡድኖቻችን ብቁ የሚሆኑ ተጫዋቾችን ለመለየት እንዲያስችል የናሽናል ካምፒንግ የመጀመርያ ምዕራፍ ዛሬ ተጀምሯል ብሏል።
የኢትዮጵያ እግር ኳስ ፌዴሬሽን የዝውውርና የምዝገባ ጊዜ አራዘመ
የኢትዮጵያ ፕሪምየር ሊግ የ2019 የውድድር ዘመን የተጫዋቾች ዝውውር እና ምዝገባ ጊዜ ላይ የቀን ማሻሻያ ማድረጉን ፌዴሬሽኑ አሳወቀ።
በዚህም መሠረት የዝውውር ጊዜ እና ምዝገባው ሐምሌ 30/2018 የሚጀምር ሲሆን እስከ መስከረም 20/2019 ድረስ ክፍት ሆኖ ይቆያል ።
የካናዳ ብሔራዊ ቡድን ተጫዋች አሊ አህመድ የኢትዮጵያ እግር ኳስ ፌዴሬሽን ጽ/ቤት ጎበኘ
የኢትዮጵያ እግር ኳስ ፌዴሬሽን ዋና ሥራ አስፈፃሚ አቶ ባሕሩ ጥላሁን ለትውልደ ኢትዮጵያዊው የካናዳ ብሔራዊ ቡድን ተጫዋች አሊ አህመድ ወሎ ሰፈር የሚኘው የፌዴሬሽኑ ጽ/ቤት አስጎብኝተዋል፡፡
ዋና ሥራ አስፈፃሚው በጉብኝቱ ወቅት ከአሊ አህመድ ጋር ባደረጉት ቆይታ ኢትዮጵያ በአፍሪካ እግር ኳስ ላይ ስለተጫወተችው ጉልህ ሚና ፤ የአፍሪካ ዋንጫ እና ካፍን ከመመስረት አንስቶ ውድድሩን በማስተናገድ እና ዋንጫ በማንሳት የነበራትን ታሪክ፣ በኢ/እ/ፌ በዋና ፀሐፊነት እንዲሁም የካፍ ኘሬዝዳንትነት ለረጅም ዓመት የመሩት የአፍሪካ እግር ኳስ አባት ክቡር አቶ ይድነቃቸው ተሰማ በካፍ ላይ የነበራቸው ታላቅ አበርክቶ ምን እንደነበረ እንዲሁም አሁን ካፍ ለያዘው ቅርፅ የነበራቸውን ወሳኝ ሚና አስረድተዋል።
የኢትዮጵያ እግር ኳስ ፌደሬሽን የብሔራዊ የዳኞች ኮሚቴ የቀድሞ አንጋፋ የዳኝነት ሙያተኞችን እውቅና ሰጠ
የኢትዮጵያ እግር ኳስ ፌደሬሽን ብሔራዊ የዳኞች ኮሚቴ በሀገራችን የዳኝነት ሙያ ላይ ላበረከቱት የላቀ አስተዋፅኦ፣ ለፈፀሙት ታላቅ አገልግሎት እና ለሙያው እድገት ላበረከቱት ዘላቂ አሻራ ለሁለት አንጋፋ የቀድሞ የዳኝነት ሙያተኞች ኢንስትራክተር ሽፈራው እሸቱ እና ኃይለመላክ ተሰማ እውቅና ሰጥቷል።
በዳኝነት ሙያ ለብዙ ዓመታት በታማኝነት፣ በሙያዊ ብቃት እና በከፍተኛ ቁርጠኝነት ያገለገሉት እነዚህ አንጋፋ ባለሙያዎች የዳኝነት ሙያን በማሳደግ፣ የተሻለ የዳኝነት ባህል በመገንባት እና ለቀጣዩ ትውልድ አርአያ በመሆን የማይረሱ አስተዋፅኦዎችን አበርክተዋል።
በኢትዮጵያ እግር ኳስ ፌዴሬሽን የፀደቁ ውሎች
የኢትዮጵያ እግር ኳስ ፌዴሬሽን የሴቶች ፕሪምየር ሊግ የዝውውር ውሎችን አጽዱቋል ፤መብራት ኃይል ኤርሚያስ አማረን ለሁለት አመት አሰልጣኝ አድርጎ ሾሟል ፤ከዚህ ሌላ ቡድኑ በርካታ ተጨዋቾችን አስፈርሟል፤መብራት ኃይል ና ንግድ ባንክ አዳዲስ ተጨዋቾችን አስፈርመዋል፤ውላቸው የጸደቀላቸውን ተጨዋቾች በፎቶ ይመልከቱ
«ሀገሬን በአለም ዋንጫ መወከል እፈልጋለሁ »ከነአን
ከነአን ማርክነህ በሜዳ ላይ ባለው ታታሪነትና ግብ የማግባት ብቃቱ የሚታወቅ፣ በሀገር ውስጥ እንደ ቅዱስ ጊዮርጊስና መቻል ባሉ ትልልቅ ክለቦች ተጫውቶ ካሳለፈ በኋላ አሁን ላይ ፕሮፌሽናል ህይወቱን በውጭ ሀገራት እያሳለፈ የሚገኝ ድንቅ ተጫዋች ነው።
ከሊቢያና ኦማን ቆይታው በኋላ ወደ ኩዌቱ አል አራቢያ ስፖርት ክለብ ከማምራቱ በፊት ኤፍ ኤም አዲስ 97.1 መሰንበቻ ፕሮግራም ስለ እግር ኳስ ህይወቱና ስለ ወደፊት አላማው ጠይቆት የሚከተለውን ብሏል።
ሲዳማ ቡና የአምበሉን ያሬድ ባየህ ጨምሮ የወሳኝ ተጫዋቹን ውል አራዘመ
በታሪክ ለመጀመሪያ ጊዜ የኢትዮጵያ ፕሪሚየር ሊግን በውድድር ዘመኑ ማሸነፍ የቻሉት ሲዳማ ቡናዎች፤ የወሳኝ ተጫዋቾቻውን ውል ለማራዘም እንቅስቃሴ ጀምረዋል።
ኢቲቪ ከክለቡ ባገኘው መረጃ መሰረትም የቡድኑ አምበል እና የሲቢኢ የኢትዮጵያ ፕሪሚየር ሊግ ኮከብ ተጫዋቹን ያሬድ ባየህን ውል ለተጨማሪ ሁለት ዓመት ለማራዘም ከስምምነት ደርሷል።
ሲዳማ ቡና የተጨዋቾች የደሞዝ ሪከርድ ሰበረ?
የኢትዬጵያ ፕሪሚየር ሊግ የተጨዋቾች የዝውውር መስኮት በይፋ ከመከፈቱ አስቀድሞ ክለቦች በተጨዋቾች እና በአሰልጣኞች ዝውውር ተጠምደዋል።
ኢትዬጵያ ቡና እና መቻል የአሰልጣኝ ለውጥ በማድረግ ገብረመድህን ሃይሌ እና ውበቱ አባተን ቀጥረዋል።
ወላይታ ድቻ ደግሞ የአሰልጣኝ መሳይ ተፈሪን ውል ያራዘመ ሲሆን በቀጣዬቹ ቀናት የአሰልጣኝ ለውጥ አድርገው የሚመጡ ክለቦች መኖራቸው ርግጥ ሆናል።
የጨዋታ አመራሮችን ክብርና ደህንነት መጠበቅ የሁላችንም ኃላፊነት ነው ሲል ኢትዮጵያ እግር ኳስ ፌዴሬሽን ብሔራዊ የዳኞች ኮሚቴ ገለጸ
ከቅርብ ጊዜያት ወዲህ በተለያዩ የእግር ኳስ ውድድሮች ላይ በጨዋታ አመራሮች ላይ የሚፈጸሙ አካላዊ ጥቃቶችን የሚያሳዩ ምስሎች በተለያዩ የማህበራዊ መገናኛ ዘዴዎች በስፋት ሲሰራጩ እየተመለከትን እንገኛለን። እነዚህ አሳዛኝ ድርጊቶች በወቅቱ፣ በጥብቅ እና በተቀናጀ መልኩ መቆጣጠር ካልተቻለ በእግር ኳሳችን ላይ የሚያስከትሉት ጉዳት ከፍተኛ ነው።
የኢትዮጵያ ፕሪሚየር ሊግ የዝውውር መስኮት እንደተጠጠፈ ነው
የ2018 የውድድር ዓመት መጠናቀቁን ተከትሎ፣ የኢትዮጵያ እግር ኳስ ፌዴሬሽን ይፋዊ የክረምት የዝውውር መስኮት ከሐምሌ 20/2018 ዓ.ም. ጀምሮ በይፋ መከፈቱን አረጋግጧል። በዚህም መሰረት የሊጉ የውድድር ዓመት መጠናቀቁን ተከትሎ፣ የኢትዮጵያ ፕሪሚየር ሊግ ክለቦች በአሁኑ ወቅት በከፍተኛ የዝውውር
የኢትዮጵያ ብሔራዊ ቡድን (ዋሊያዎቹ) ትኩረቱን የአፍሪካ ዋንጫ ላይ አድርጓል
ዋሊያዎቹ ለ2026 የዓለም ዋንጫ ማጣሪያ የነበራቸውን ጨዋታዎች ካጠናቀቁ በኋላ፣ አሁን ሙሉ ትኩረታቸውን ወደ 2027 የአፍሪካ ዋንጫ (AFCON) ማጣሪያ ጨዋታዎች ዝግጅት አዙረዋል። የቡድኑን የማጥቃት መስመር ለማጠናከር አዳዲስ ወጣቶች ወደ ስብስብ እየገቡ ይገኛል።
የኢትዮጵያ እግር ኳስ ፌዴሬሽን በአሰልጣኝ ውበቱ አባተ እና በመሳይ ተፈሪ ምትክ የሚሆን አዲስ ዋና አሰልጣኝ አድርጎ ዮሐንስ ሳሕሌን ለ2 ዓመታት ውል መሾሙ አይዘነጋም ። አሰልጣኝ በለጠ ገብረኪዳን በምክትልነት፣ መሐመድ ጀማል ደግሞ በግብ ጠባቂዎች አሰልጣኝነት አብረው እየሰሩ ይገኛሉ።
አሰልጣኝ ውበቱ አባተ መቻልን በመረከብ አዳዲስ ተጫዋቾችን በማስፈረም ጠንካራ ቡድን ለመገንባት አስቧል
ውበቱ አባተ በኢትዮጵያ እግር ኳስ ፌዴሬሽን ስር ታዋቂ ክለቦችን እንዲሁም ብሔራዊ ቡድኑን በማሰልጠን ትልቅ ልምድ ያካበተ አንጋፋ አሰልጣኝ ነው።
የኢትዮጵያ ብሔራዊ ቡድንን (ዋሊያዎችን) በመምራት ቡድኑ ለ2021 ለካሜሩን የአፍሪካ ዋንጫ እንዲያልፍ አስችለዋል፤በኢትዮጵያ ፕሪሚየር ሊግ እንደ ቡና፣ ፋሲል ከነማ እና ሌሎች በርካታ ክለቦችን አሰልጥነዋል።
በሱዳን፣ ደቡብ ሱዳን (እንደ ጃሙስ ኤፍሲ) እና በላይቤሪያ ሊጎች ውስጥም በመስራት ዓለም አቀፍ ልምድ አግኝተዋል。